КИЧИНИЦА, oпштината Маврово и Ростуша
црква Св. Никола, село Кичиница
(рег. икони 9261-9283)
4-807-041/65 Е-НД / 41°41′37.1″N 20°43′25.3″E

Црквата Св. Никола во селото Кичиница е еднобродна правоаголна градба со двоводен покрив и полукружна апсида на исток, прекриена со камени плочи. Градена е од кршен камен додека за формирање на малите правоаголни прозорски окна, западниот лачно профилиран портал и венецот користен е обработен камен.
Во внатрешноста на црквата, на источната страна, е поставена двокатна иконостасна преграда со голем крст на неа, а на западната страна подигната е дрвена галерија на кат. Рамна таваницата е изработена од дрво, декорирана со централна кружна розета и тенки дрвени штички кои формират квадратни полиња. Храмот не е живописан.
Дичо зографот од Тресонче во 1849/50 г. ги изработил иконите за иконостасот.