НИСТРОВО, oпштина Маврово и Ростуша
Црква Св. Вознесение Христово/Св. Спас, село Нистрово
4-807-057/29 Е-НД
Coordinates:41°44′00″ N - 20°37′56″ E
Време на подигање на храмот 1860 год.

Архитектонски опис

Црквата Св. Спас во селото Нистрово е еднорабна градба со висока петострана апсида на исток. Црквата е градена од кршен камен додека за аглите, венецот на двоводниот покрив, прозорските окна и полукружниот портал со лунетата над него на западната страна, употребен е делкан камен.

Во лунетата над западниот портал — која се одликува со зашилен лак во исламски стил — фреско-приказ на сцената на патронот, Вознесението Христово, е насликана во периодот на изградбата на црквата (број на икони 9284, 9281). Веднаш до црквата, од нејзината западна страна, се наоѓа масивна осумаголна камбанарија изградена од кршен камен.

Ентериер, иконостас и фрески

Во наосот на храмот, на источната страна, има иконостасна преграда на три ката со иконостасен крст на врвот, а на запад е подигната галерија со дрвена мушарабија. Централно на сводот, по целата површина, е поставена плитка слепа купола од која произлегуваат четирите пандатифи поставени на прислонетите лаци од страничните ѕидови. Живопис е сочуван единствено во слепата купола во наосот на храмот.

Во темето на куполата во кружен медаљон, е насликана допојасна претстава на Исус Христос Седржител, како, со обете раце подигнати, благословува.

Пред него е поставена сфера и отворено евангелие со текст: (AZ\ ESMAM/ PASTIRX/ DOBRXiI/ PASTIRX/ POLAGAu/ DY[Y ZA/ wVCE/ SVOXiH\На прстенот околу медаљонот напишан е текстот: (GOSPODI GOSPODI PRIEDRI SNEBESE I VI@DX I POSV@TXi HRAM\ SEI).