ЖУЖЊЕ
Жужње, oпштината Маврово и Ростуша
Црква Св. Варвара, село Жужње
Црква Св. Варвара во село Жужње е поставена на една височинка надвор од селото, подвоени со течението на Длабока река. Преставува изразито висока еднокорабна градба, со покрив на две води и полукружна апсида на источна страна, која досега без малку до самат висина на венецот на црквата. Градена е со кршен камен и делкан камен на аглите. На западната страна е централниот полукружен портал изработен од крупни клесани блокови. Над него е патронската ниша, истотака обликувана со делкан камен кој завршува полукружно со карактеристичен исламски лак. Под самиот венец вметнат е камен блок со пробиен кружен отвор (окулус). Јужиниот зид има два тенки отвори (пушкарници), додека на северниот има три мали правоаголни прозори обликувани од тесани камени блокови.
Наосот на храмот засведен со ѕидана слепа купола. На западната страна има галерија. Зидно сликарство не е сочувано.
Во црквата Св. Варвара во село Жужње, за потребите на опремување на иконостасот, во 1870/1882/1884 г., зографот Евгениј Поп Кузманов насликал 7 престолни икони: Свети Димитриј на коњ го убива воинот, Свети Ѓорѓи го убива змејот, Св. Никола, Богородица со Христос, Исус Христос, Св. Јован Крстител, Св. Варвара. За вториот ред икони на иконостасот насликал дополнително уште 6 икони: Успение Богородичино, Воскресение Лазарево, Воздвижение на крстот, Рождество Христово, Симнување на Светиот Дух, Сретение Христово.
Зачувување и промовирање на македонската култура преку реставрирање, снимање и архивирање. Услови за користење
Целиот материјал содржан во збирките на MKР е заштитен со авторски права на Creative Commons Attribution.
Контактирајте не доколку сакате да ги користите нашите фотографии или да придонесете со материјал за МКР.
© 2024, MKR, Inc. - NMK